Reglur og skilmálar Danssporsins

Almennar reglur

• Dansarar skulu mæta stundvíslega í alla danstíma í viðeigandi fatnaði, með hárið greitt frá andliti og allir skartgripir fjarlægðir.

• Á æfingum skal vera í studio dansfatnaði eða öðrum íþrótta/dansfatnaði sem gott er að hreyfa sig í. Dansarar skulu vera í táslum eða öðrum viðeigandi dansskóm.

• Ekki er leyfilegt að vera með tyggigúmmí á æfingum.

• Mæting er skráð fyrir hvern danstíma. Ef dansari mætir meira en 15 mínútum of seint í tíma eða ekki í viðeigandi fatnaði er dansari beðinn um að horfa á.

• Dansari/foreldri/forráðamaður skal tilkynna veikindi eða önnur óhjákvæmileg forföll í gegnum Abler appið áður en kennsla hefst.

• Öll samskipti við Danssporið studio skulu fara fram í gegnum Abler appið eða tölvupósti.
  Mikilvægt er að foreldrar/forráðamenn séu með Abler appið með kveikt á tilkynningum. Öll samskipti og tilkynningar frá þjálfara fara þar í gegn.

• Dansarar skulu ganga vel um öll rými Danssporsins og skilja ekki eftir rusl. Vinni dansarar vitandi vits tjón á eigum studiosins ber þeim/forráðamönnum þeirra að bæta fyrir það.

• Samskipti dansara og kennara ættu alltaf að einkennast af virðingu og tillitssemi.

• Dansarar virði verkstjórn kennara, sýni háttvísi, einbeiti sér að viðfangsefninu og gæti þess að valda ekki ónæði.

• Þjálfarar Danssporsins hafa rétt á að færa nemanda um hóp ef þau telja að það henti betur fyrir dansarann.

• Sýna ber háttvísi og prúðmennsku í studioinu og alls staðar þar sem komið er fram í nafni þess.

• Dönsurum ber að gæta vel að fatnaði sínum og öðrum eigum.

• Öll verðmæti ætti að taka með sér inn í æfingasal þar sem Danssporið getur ekki tekið ábyrgð á eigum dansara.

• Áhorf æfinga er ekki leyfilegt nema á auglýstum tímum eða sýningum.

• Danssporið tekur öllum eineltis og ofbeldismálum alvarlega. Ef dansari verður sekur um slíkt verður fyrst rætt við foreldra/forráðamenn. Ef slík hegðun heldur áfram er möguleiki á að dansara verði vísað frá.

Greiðsluskilmálar

• Skráning fer fram í gegnum Abler.

• Skráning á námskeið jafngildir samningi um greiðslu á æfingagjöldum. Ef gjöld eru ekki greidd áskilur Danssporið sér rétt til að meina nemanda aðgangi að danstíma.

• Ef forföll eru tilkynnt áður en að önnin hefst er 10.000,- staðfestingargjald óendurkræft. Innritun er bindandi og gjöld danstíma fást ekki endurgreidd eftir að önn hefst.

• Ekki er heimilt að endurgreiða það sem greitt er með frístundastyrk.

• Danssporið er með samning við Mosfellsbæ, Reykjavíkurborg, Akranes, Hvalfjarðarsveit og Hafnarfjörð um aðild að frístundastyrk. Hægt er að nota styrkinn á námskeið sem eru 10 vikur eða lengri samkvæmt reglum sveitafélaganna.

• Danssporið býður upp á 10% systkinaafslátt. Einnig er gefinn afsláttur ef skráð er dansara á fleira en eitt námskeið.